اسلام آباد:پاکستان کے وزیر دفاع مسٹر خواجہ آصف نے انڈیا کے اشتعال انگیزباتوں پر اپنے موقف کا اظہار کرتے ہوئے کہا کہ اگر بھارت سرکار نے دوبارہ پاکستان پر حملہ کی تدبیر کی تو اس باراسکور 0-6 سے کہیں زیادہ بھیانک ہو گا۔
خواجہ آصف نے سماجی رابطے کی ویب سائٹ ایکس پر بھارتی اعلیٰ سیکیورٹی اسٹیبلشمنٹ کے بیان پر کہا اس بار بھارت طیاروں کے ملبے تلے نست و نابود ہو جائے گا۔
انہوں نے کہا مودی سرکار اور بھارتی عسکری قیادت معرکہ حق میں اپنی عبرت ناک شکست کی وجہ سے کھوئی ہوئی ساکھ کو بحال کرنے کے ناکام اقدامات کر رہا ہے، مگر اس کا نتیجہ انڈین سرکار کے خلاف پہلے سے کہیں زیادہ خراب ہو گا۔
انہوں نے مزید لکھا کہ معرکہ حق میں بدترین تاریخی شکست نے بھارتی عوام کی رائے مودی سرکار کے خلاف ایک بہت بڑے محاذ کی صورت میں سامنے کھڑی ہو گئی ہےاب جس کا پریشر برداشت نہیں ہو رہا اسی لیے وہاں کی لیڈر شپ اب گیدڑ بھبکیاں دے رہی ہے۔
وزیر دفاع خواجہ آصف نے ایکس پر مزید لکھا کہ وطن عزیز پاکستان اللہ کے نام پر بنا ہے اس ریاست کے محافظ اللہ کے سپاہی ہیں، ان شاء اللہ جارحیت کے نتیجے میں بھارت اپنے ہی طیاروں کے ملبے تلے زمین برد ہو گا، اللہ اکبر،پاکستان زندہ باد۔
