ایف بی آر کے بوک سسٹم کے آکشن ماڈیول میں جعلسازی کا انکشاف ہوا، 1900کے قریب  گاڑیوں کی تفصیلات سسٹم میں اپ لوڈ، 100سے زاہد  جعلی طریقے سے شامل کی گئیں۔

ایف بی آر کے مطابق 40کے قریب سمگل شدہ گاڑیاں ایف بی آر ریکارڈ میں قانونی ظاہر کی گئیں، ایف بی آر نے تحقیقات میں جعلی یوزر آئی ڈیز کی نشاندہی کر لی۔

ڈپٹی کلکٹر اور اسسٹنٹ کلکٹر کو 9 جولائی کو معطل کیا گیا ہے، ایف بی آر کی درخواست پر جے آئی ٹی قائم کر دی گئی۔

ایف آئی اے نے ملوث افسران کے خلاف ایف آئی آر درج کر کے گرفتاریاں کر لیں، کسٹمز انفورسمنٹ اب تک مختلف مقدمات درج، 13 گرفتاریاں کر چکی ہے۔

ایف بی آر کی جانب سے کہا گیا ہے کہ ادارے میں موجودکسی بھی کرپٹ عناصر کی نشاندہی اور کارروائی جاری رہے گی۔