خبرپاکستان(آن لائن ڈیسک)یونائیٹڈ بینک لمیٹڈ (یو بی ایل) نے اپنی آٹو فنانسنگ اسکیم کے تحت سوزوکی سوئفٹ کے خریداروں کے لیے ایک پرکشش پیشکش متعارف کرا دی ہے، جس کے تحت صارفین آسان ماہانہ اقساط پر گاڑی حاصل کر سکتے ہیں۔
یو بی ایل کے مطابق اس آفر میں ریزیڈیول ویلیو فنانسنگ کا آپشن بھی شامل ہے، جس کی بدولت کم ماہانہ ادائیگی کے ساتھ نئی گاڑی خریدنا ممکن ہو گیا ہے۔ یہ سہولت سوزوکی سوئفٹ کے تمام ویریئنٹس پر دستیاب ہے۔
سوزوکی سوئفٹ کے دستیاب ویریئنٹس
یو بی ایل کی آٹو فنانسنگ اسکیم درج ذیل ماڈلز کے لیے پیش کی گئی ہے: سوزوکی سوئفٹ GL مینوئل، سوئفٹ GL CVT اور ٹاپ آف دی لائن سوئفٹ GLX CVT۔
سوزوکی سوئفٹ کی قیمتیں اور ڈاؤن پیمنٹ
سوزوکی سوئفٹ کی قیمتیں تقریباً 43 لاکھ 36 ہزار روپے سے شروع ہو کر 47 لاکھ 19 ہزار روپے تک ہیں، جبکہ خریدار مختلف ایکویٹی کنٹری بیوشن آپشنز میں سے انتخاب کر سکتے ہیں، جن کا آغاز تقریباً 13 لاکھ 40 ہزار روپے سے ہوتا ہے۔
سوئفٹ GL مینوئل کی فنانسنگ تفصیلات
سوئفٹ GL مینوئل کی قیمت 43 لاکھ 36 ہزار روپے مقرر کی گئی ہے۔ اس ویریئنٹ پر 13 لاکھ 44 ہزار روپے ڈاؤن پیمنٹ کے بعد تقریباً 29 لاکھ 91 ہزار روپے فنانس کیے جا سکتے ہیں۔ اسٹینڈرڈ فنانسنگ پلان کے تحت ماہانہ قسط تقریباً ایک لاکھ 2 ہزار 982 روپے بنتی ہے، جبکہ ریزیڈیول ویلیو پلان میں یہی قسط کم ہو کر 69 ہزار 567 روپے رہ جاتی ہے۔
سوئفٹ GL CVT اور GLX CVT کی اقساط
سوئفٹ GL CVT کی قیمت 45 لاکھ 60 ہزار روپے ہے، جس پر ریزیڈیول ویلیو پلان کے تحت ماہانہ قسط تقریباً 68 ہزار 711 روپے سے شروع ہوتی ہے۔
اسی طرح ٹاپ آف دی لائن سوئفٹ GLX CVT کی قیمت 47 لاکھ 19 ہزار روپے رکھی گئی ہے، جس پر ریزیڈیول ویلیو پلان میں ماہانہ قسط تقریباً 69 ہزار 128 روپے بنتی ہے۔
اسٹینڈرڈ اور ریزیڈیول ویلیو فنانسنگ میں فرق
یو بی ایل کے مطابق اسٹینڈرڈ فنانسنگ اسٹرکچر میں ماہانہ اقساط تقریباً ایک لاکھ 3 ہزار روپے تک ہو سکتی ہیں، جبکہ ریزیڈیول ویلیو پلان میں کم ماہانہ ادائیگی کے بدلے فنانسنگ مدت کے اختتام پر ایک بڑی رقم ادا کرنا ہوگی۔
درخواست دینے کا طریقہ اور اہم شرائط
گاڑی کی فنانسنگ کے لیے صارفین یو بی ایل ڈرائیو پورٹل کے ذریعے درخواست دے سکتے ہیں۔ یہ آفر محدود مدت اور منتخب برانچز کے لیے ہے، جبکہ قیمتوں اور شرائط میں تبدیلی کا امکان بھی موجود ہے۔ تمام درخواستیں بینک کی کریڈٹ پالیسی اور شرائط و ضوابط کے تحت منظور کی جائیں گی۔
